مش هقول يا صبح علشان انا مشفتش نوم من ام المحروق الى عمال ينكد عليا (بلاش على اهلى خليهم فى التقيله)
و بعد ما جتلى الفكرة من صحبتى انى ارشق رقموا ع الفيس بون و الشبكات العنكبوتيه مفيش فايدة يا ولدى
صحيت و بوزى شبرين تلاتة و مدروغة و قولت اشغل القوله الى فوق و استنصح و كل لما اقول كدا اندم
قولت اشغل موسيقى بحيس يجى يرن الموسيقى تقفل الموسيقى و ارد عليه
وحصل و ياريتو ما حصل
انا المدعوه مارينا : اية يا تيت يا ابن التيت انا هطلع ترابتيت تيتك
المدعوه عليه :تيييييييييييييييييت و الصراحة مفهتمش و عرفت بعد كدا انى اتشتمت
و من تلك المنزلق اقدر اقول يومى ابتدى مبروك عليا
و فضل الحال ع ما هول عليه و على المتضرر يا يتشتم يا يأبح
و خلصت الورك الى ورايا و قولت يلا هيله بيله على البيت و صادفنى موقف
رجل زو شنابات من ساعت الحملالات الفرنسية و ايام احمد على
عريض المنكبين طويل القامه و فى ايدو نوعناع
الراجل بتاع النوعناع : نوعناع يا انسه
الانسه : شكرا يا اونكل مش بضربوا
الراجل بتاع النوعناع : طب هقولك ع حاجة
الانسه : اتفضل يا سيدى خلص احسن الشمس لحست نافوخى
و قال الرجل الاتى
^نعناع يعطر الفم يروق الدم ^
..تاخدوا لو مراتك مخنوقة ولو حماتك مشنوقه ...نعناع لو ختو ع الريق تبقى واد جرئ ولو ختو ع اللسان تبقى راجل بتاع نسوان
الراجل جامد جدا ولا اجدع من الى بكتبوا
و تقريبا كان شايفنى واد محستش ف كلامو انى انسة ....
يمكن علشان شعرى الحرير الى كان واقف ف الهوا او الالوان السايحة الى كانت ع وشى
المهم تواعدنا اننا نتقابل ف الحياه الاخرى بس يكتبلى شعر بناتى زى عزل البنات و حمام التلات
و ركبت الميكروباص و و من هنا لهانك
اتعرفت ع المكان الى هنزل فيه بالصدفه من كتر البنى ادمين المحشوره
غير كدا و كدا و انا نازلة فى حجة كانت قاعدة ع الارض واخدة بمقامت وركين كدا
يا حجة عايزين نعدى الدنيا زاحمة
و انا مالى المكان قدامك اهو فاضى
ماشى يا حجة حقك على راسى
و نزلت لالالا مش نزلت
انا نطيت و الحمدلله متقلبتش ع الارض
و رجعت البيت بالسلامة
و يارب يخلص اليوم ع كدا
انا مش قادره
No comments:
Post a Comment