مرضتش اسمع كلام الدكتور بس بابا مسك ايدى وودانى ونمت ع الكنبة ....وبعدين فضلت بصة لماما وكانت بصالى مش عارفة كانت بصة وداع ولا بصة قلق مكنتش فاهمة حاجة ....والدكتور قالى متخفيش فكرى ف كارتون بتحبية او اغنية حاولت افكر بس الفكرة الوحيدة ان دكتور تانى لية يعنى جدو هيموت تانى دكتور فرانك وضح كل حاجة ...
وبعدين دخل ايدية وحطلى سماعات كتيرة وشغل جهاز جمبو وفضل يعمل دوشة بس انا كنت ف عالم تانى لغاية لما خلصو وقمت لقيت ورق كتير وشغبيط ....وماما مسكتنى من ايدى وطلعتنى برة وعرفتنى ع البنت الى ندت ع رقمنا وقالتلى خليكى قاعدة عقبال لما اطلع وباستنى ...
وفضلت قاعدة والبنت عرفتنى ع نفسها وقالتلى انا كلير واستنت شوية علشان اسمى بس كان لسانى مربوط ومستنية باباوماما يطلعو وقالتلى انتى مكسوفة وكأنى لقيت مخرج ورحت حركت راسى وسكتنا ...
وطلعو وكانو ساكتين ونزلنا وركبنا تاكسى وطلعنا الشقة وبابا قالى انا نازل اجبلك الشكولاتة بتاعتك.... وجى بس مكنش الشكولاتة بس الى معاة وكان معاة دوا كتير من الى شبة ماما بتاخدو.... وقعد الايام وانا مستنية الشعور انى اغمض عينى زى جدو وابقى نايمة ع طول اصلى بصراحة مزعلتش علية،جدو كان نايم وشكلو مستريح فمكنتش مدايقة.... بس برضو مكنتش عايزة اسيب ماما وبابا واختى،
.
وكبرت وطلعت تلاتة اعدادى وربنا استجاب ليا وادة المنبة لحد تانى مكنتش بحب مدرستنى كنت بكرة المدرسين وخصوصا مدرس الرياضة كل لما يدخل الحصة لازم نقف خايفين وانا مكنتش بقف وراح مرة شافنى وضربنى ع كتقى بأيدو لغاية لما كتقى كان بيرتعش من كتر علامات ايدو علية ....وكمان مدرسة العلوم لما كانت فاكرة ان كلو مزاكر انا كنت بحب اعد جمبها علشان لما تسأل تبقى ناسية ومش شايفانى،....
احلى حاجة لما بطلع كان ف ولاد كتير واقفين وانا بصراحة كنت معجبة بواحد كنت كل لما اشوفو لازم احفظ التى شرت الى لبسو علشان لو صحابى يقعدو يكلمونى ابقى ادور علية لما ابقى عايزة اشوفو ....
كنت بخلى صحابى يسبونى علشان امشى ويجى يتعرف عليا بس مجاش وكمان مبقتش اشوفو خالص وسمعت انى لما اطلع ثانوى ٥تعرف ع ولاد ف الدروس وكمان لما اطلع جامعة فقولت استنى،
خت درس ف العلوم وكان بيت البنت بعيد اوى فكان المدرس بيعدى عليا ياخدنى وكان ع طول بيعد يبص ع لبسى وع طول يقولى البسى بنطلونات مش جيب مكنتش عارفة لية وكنت مستغربة ولما كنا بنعد ف الدرس كان بيمسك ايدى كنت بخاف وقولت لماما انا مش بفهم المادة خلصت السنة وعدت سنين!!
No comments:
Post a Comment