عدت سنين ووصلت لاخر سنة ف ثانوى بأختصار كنت عاملة زى الانسان الالى خدى المادة دى ادخلى القسم دا ومكنتش الكلام دا من ماما وبابا بس لا دا من بنت خالت عم مين الناس القرايب الى مش بنشوف وش حد فيهم حتى ف المناسبات
حفظت وزاكرت بس مكنتش شايفة نفسى ف حاجة جبت مجموع عادى جدا ودخلت كلية بناء ع طلب ناس كتير الصراحة صحاب ماما ف الشغل والجيران واكيد العائلة المختفية طول السنة ....ودخلت كلية كانت تجربة جديدة غير تجارب الحزن والوجع دخلت لقيت مجتمع معزول عن كل حاجة برة جدران الجامعة شفت ولاد كتير وبنات اكتر بكتير شفت جامعات اسلامية قبل كل محاضرة كنا بناخد محاضرة ومكان مخصص للمسحين فقط ومكان ومكان ومكان
بقيت مش عارفة اروح فين وبصراحة اتعوت ان حد يقولى اعملى وروحى وكنت لوحدى وبما ان انا ع طول لوحدى اخترت ابقى لوحدى ف الجامعة وكان احساس الوحدة اقرب واحد ليا ....واتعودت علية واتعود عليا ....ولما طلعت سنة رابعة قولت لازم اودع الجامعة اتعرفت ع ولاد اشكال واللوان وخرجت ومسكو ايديا وباسونى بس كان بالنسبالى اكتشاف او فئران تجارب وحسيت ان كل دا ولا لية لزمة وشغل ثانوى ....خلصت كلية وخت كرسات اشى كمبيوتر واشى لغة واشتغلت وصحيت بدرى كتير وابتديت اتعلم وشفت الى بيكلم من ورا التانى وشفت التنافس واتعلمت حاجة جديدة ان الشغل =عدم ثقة
وجت مرحلة العرسان وحتى كلمة عريس مش مريحانى انا قبل لما اقابل حد اقول عريس علية لية دا البت لما تتخطب بتقول خطيبى ولما يجوزو يقولو عرسان يبقى لية اقول متقدملى عريس ...وعرفت يعنى اية ثقافة مجتمع،
كبرت وشعر ابيض طلعلى شكلو حلو،...خت شقة وتقريبا مكنش ليا صحاب اتعودت ع السجاير ....وابتديت اتعلم جبت تليفزيون كان بالنسبالى طريقة تواصل مع العالم الى برة... شفت ان لو كلمت البحر هيرد علية رحت البحر واكلمت وعيطت بس كان سكوتو اكتر من كلامى،....فكرت انا عايشة لية عايزة اية محتاجةا ية ...قولت اعمل حاجة محدش فكر فيها.... وفكرت وطلعت بفكرة ونجحت بس عادى انا كنت عارفة ان فكرتى ناجحة من الاول اية الجديد،....قولت اتصاحب ع ناس بس كانو رغايين وحسيت انى قربت اخرج من حياة مسكت فيا واتعلقت بيها لغاية لما جية اليوم !!!
No comments:
Post a Comment