كمانجتى

Edit
كمانجتى
by Violin Queen on Wednesday, April 27, 2011 at 2:22am

و بعد مذاكره دامت ساعتين الا3 دقائق انتهيت من الكونشرتو اللعين

mozart g major

مخلصتوش لا لا ... لسة هدخل على ام الكادنزا اللعينة ... ادركت حاجة و انا بزاكر

ان اد اية كمانجتى استحملتنى يا عينى

- استحملتنى وانا مخنوقة و متعصبة من ام كل حاجة فى البلد ... بنى ادمين على حيوانات على اخبار على تليفويون ع نت على موبيل

- استحملتنى و انا راجعة من الاوبرا و متنحة و بقول امتى بقا اتأندل و العب هناك و امسكها واتشنج عليها

- استحملتنى لما كنت فى مود رومانتيكى و امسكها و احاول اطلع منها ديسنت ساوند و مبيحصلش

- استحملتنى يا عينى و لما امى بتقول كفاية يا التيه زهقتينا بأم الجيتار الى معاكى

- استحملتنى لما مزاكرش لمده اسبوع و اجرعلها باكيه و بائسة والقى صوت واحد بينعر

- استحملتنى لما الحب بيفيض عندى و احطها جمبى و انام و اصحى القيها مرمية ع الارض و شكلها يصعب ع الكافر

يلهوى دا انا ممكن اكتب لغاية بكره ... كفاية

الى كمانجتى العظيمة المهيبة الصينى الى مفيش زيها

احبك حبآ جما اة و الله مع انى مش فاهمه جمآ دى

و عمرى ما هتخيل نفسى غيرك ... دا حتى شكلنا طبع ع بعض ياشيخة

و الى مش عاجبو و الى هيقولى انا يا الكمانجة

ادينى بقولها ... الكمانجة و طظ فى اى حد يخيرنى ما بنها انشالله يكون مين طظظظظظظظظظظ

هذه لحظة صدق مع النفس مع بعض انشكاح زايد حبتين

النوته دى ملهاش لزمة انا عارفة بس هما كانو كلمتين محشورين و عايزة اطلعهم و الله ولى التوفيق