انا دلوقتى هكتب الى جوايا و الى حساه ... انا حزينه جدا .. راجعت الرسايل القديمه و افتكرت أنى نسيت ... حاولت أيام كتيره و أتهيألى أن الحياه مشيت ... انا لسة فاكرة لما كنت بدحك على حد قالى انى مضغوطة عصبيآ و ساعتها قولت محدش فاهم حاجة و كل الناس بتتكلم ... لكن أتضح أنى بحاول أكمم جرحى ... لغاية أمتى انا زهقت بقا و مليت ... قرفت من صفاتى و مبقتش أحب الحاجات الى بيقولو عليها حلوة جوايا ... بيقول ال !! الناس مش سايبه حد فى حالو... انا بقيت مستغربه من تصرفاتهم من كلامهم من حركاتهم من الطريقه الذكيه الى بتخلى الواحد يفتكر ندبه فى حياتوا و مستحيل انوا ينسى الى فات ... انا جيت هنا غلط .. على طول بتمنى تخيلات و افلام هندى و ببقى متأكدة من عدم وجودها ... لكن فى فرق ما بين أنها تحصل و ما بين أنى بتخيل و برسم صورة كامله ... لكن عمر ما حد كامل بل كل أنسان بيبذل كل جهدوا أنو يبقى فظ ... التعامل مع أى مراه بيبقى زى ما بتتعامل مع حيوانه ... سبها فى الشارع لوحدها ... أرميها على مزاجك ... مكنتش أتخيل أنى أوصل للحاله دى !!! .. دموعى بتصعب الدنيا عليا ... بصحى كل يوم و بتفكرنى بحاجات عايزاه أمسحها من الوجود ... لكن الى بتمناه عمرو ما بيتحقق ... شكرا للطفوله أبى و أمى ... شكرا جزيلا لفترات الصبى جدى و أصدقاء خالى ... شكرا لفترات الجامعه أخى .. و شكرأ لجميع المخلوقات الان !! ... برافوا أنكوا ساعدتونى أنى أنضج بسرعه و أفهم اية الى بيحصل ... رغم كل مرة بقول دى اول مره ... بيقولو عليا دمى خفيف حمير ... كل دا تمثيل محدش فاهم حاجة و محدش عارف حاجة .. زهقت من التمثيل و ندمت على تفكيرى الى بشاركوا مع حد ... طلع أن محدش يستاهل ... محدش يستاهل .... هتمر فتره شبابى زى بالظبط ما مرت فتره طفولتى الآليمه الى عمرى ما هنساها و عمرى ما هنسى الى أتحرمت منو و الى جربتوا ... و هفضل أسأل انا عملت أية لكل دا ؟؟ ليه بدفع الثمن تقيل اوى كدا ؟؟؟ .. فعلا مش قادرة أستحمل ...
عمرى ما هسمح أنى أصعب على حد .. مش محتاجة شفقه من أى أنسان ... علشان مبقتش واثقة فى أى أنسان ...
No comments:
Post a Comment